لا تسألوني

[دبي]

لا تسألوني






لاتسألوني.. وإسألوها مـن متـى ماكلمتنـي؟؟
وصدقونـي لوسألتـوا أدري ماينفـع معـاهـا
من يصدق كيف غابت عن عيوني وهجرتنـي
مخطيّـه والله يعلـم لوتجـي بدمـح خطاهـا
غاليّـه والشاهـد الله مـن غلاهـا ولعتـنـي
ومن بعـد ماولعتنـي إحرمتنـي مـن غلاهـا
وقلت يمكنهـا إتغـلا مثـل ماهـي إمعودتنـي
تحرق أعصابي وترجع.. كل ماربـي هداهـا
ليه وش ذنبي بدون أسبـاب هالمّـره نستنـي
ماني متحمل جروحي وزوّد إ جروحي قساهـا
أذكـر أنهـا حذرتنـي بكـم كلمـه وإسألتنـي
(وش مصيرك لوتركتك وسط هالدنيا وغثاها)؟
كانت إتلمّـح لحاجـه ومـن بعدهـا حلفتنـي
إني لاغابـت أغيـب وأنسـى لوقلبـي بغاهـا
ليتها قبـل الرحيـل إبكـل صراحـه فهمتنـي
هي ظروف الوقت وألا شخص ولعها وخذاها ؟؟
ماهقيت أني أبتعـب ليـن راحـت وتركتنـي
ولين قلبي قال هـذي مالـي محبوبـه سواهـا
من يلوم القلـب فيهـا لويقـول إنهـا فتنتنـي
دام لاجـات إتباهـا قـال مـن حقهـا تباهـا
من حلاها ماكذبت أن قلت تسحـر وسحرتنـي
ولوتمر قدام عيني.. طار عقلـي مـن حلاهـا
ليـه قالتلـي (أحبـك)؟ ليـه فيهـا حببتنـي؟
مـادرت إنهـا بكلمـه علقتنـي فـي سماهـا
من كثـر ماكنـت أحبهـا لوثوانـي قاطعتنـي
إبلا شعور أسأل عليها وأقلـب الدنيـا وراهـا
علموها كيف صـارت دنيتـي مـن هملتنـي
قولولهـا إنـي أمـوت وكـاره الدنيـا بلاهـا
وذكروها بكـل كلمـه مـن شفاهـا ضيعتنـي
ماكفاهـا ماجـرالـي إسألـوهـا ماكفـاهـا؟
مابقالـي غيـر (صـوره) فالبعـاد وعذبتنـي
من أطالعها تضيع العين فـي ضحكـة شفاهـا
ومابقالي غير (ساعـه) منّهـا يـوم ذكرتنـي
بعيد ميلادي وصارت تحسـب الوقـت إلقاهـا
لوصحيح إنهـا تبينـي ماتمـادت وخسرتنـي
ولوصحيح إنها تحبني ماتخلّـت عـن هواهـا
السهـر عـذب عيونـي والقصايـد دمرتنـي
وكل حرف بهالقصيده يشكـي الحـال وعناهـا
ليتهـا تفهـم كلامـي لاوصلهـا وإسمعتـنـي
وليتهـا ترحـم حبيـب ٍ لوتناسـت مانساهـا

[شجون]

شكراً لك عالقصيده

[دبي]

المشاركة الأصلية كتبت بواسطة شجون

شكراً لك عالقصيده

العفـو


تسلمين ع المـروور